Tsina, gintipahan ha ira pag-ngaran ha pipira nga undersea features ha Benham Rise

Ginrepaso hin usa nga maritime law expert hadton ika-12 han Pebrero an ginhimo han Tsina nga pag-ngaran ha lima nga undersea features han Benham Rise. Sumala kan Jay Batongbacal, Direktor han University of the Philippines Institute for Maritime Affairs and Law of the Sea, an tulo nga undersea features in gin-aangkon han Tsina han magka-ada hira survey ha Benham Rise hadton 2004 ngan iginpasa ha International Hydrographic Organization (IHO) hadton 2014 agud igrehistro samtang an duha in nadiskubre ha pareho nga survey pero iginpasa hadton 2016 la. Sumala pa kan Batongbacal, tanan nga undersea feature nga gin-aangkon han Tsina in parte han Exclusive Economic Zone (EEZ) han Pilipinas.

Samtang, gintipahan naman ni Communist Party of the Philippines founding chairperson Jose Maria Sison an pagigin traydor ngan korap ni Presidente Rodrigo Duterte pinaagi han iya pagbaligya han sovereign rights han nasud Pilipinas ha Tsina. Dugang pa ni Sison, nagpopostura nga “strong man” hi Duterte pinaagi han iya mga diri makatawo nga palisiya pero nagpapakatiyo-tiyo naman ha Tsina pinaagi han iya pagtugutan ha mga langyawanon nga nasud nga pagpahimulsan an mga teritoryo ngan natural nga rekurso han nasud Pilipinas.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *