Reporma ha nasod Tsina maghahatag hin waray limitasyon nga poder kan Presedente Xi Jinping

Gin aprubahan na an usa nga konstitusyonal nga reporma ha nasod Tsina nga mag tatanggal han restriksyon ha termino han presidente. Ini nga pag amyenda in naipatuman han tinuig nga paglingkod han National People’s Congress. Antes naipatuman an pag amyenda, may-ada restriksyon an presedente nga puydi la hiya lumingkod hin duha ka termino pero han naipatuman na an reporma, gintatagan na hini hin kapasidad an yana nga presedente nga pahilabaon an iya pagkapot han poder ha iya bug-os nga kinabuhi kun iya gugstuhon. Sumala ha National Supervisory Commission, an pagtanggal ha limitasyon han termino han presedente an siyahan nga pitad para han pagtindog han usa nga super anti-graft commission. Sumala gihap ha The South China Post, damo nga kritiko an natuod na ini nga ahensya in usa la nga prente para ha Central Commission for Discipline Inspection, nga maghahatag hin kapasidad han ginngaranan nga komisyon nga imbestigaran ngan hawiran hin ilegal an mga tawo ngan di hira tagan hin tiyansa nga makakuha hin abogado. Maundang an termino ni Xi Jinping ha tuig 2023.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *