Presidente Duterte, natuod nga mayda na ISIS ha Bisayas

Ha usa nga pribado nga miting nga gin-atendiran ni Presidente Duterte ha Cebu, nagsiring hiya nga nakitampo na ha mga armado nga grupo ha Bisayas ngan pipira nga parte han Luzon an mga elemento han Islamic State of Iraq and Syria (ISIS). Sumala kan Presidente Duterte, nakig-alyansa na an ISIS ha Abu Sayyaf ngan nababaraka hiya nga bangin mautro an natabo ha Marawi City. Nagsagdon gihap an Presidente nga magin alerto an mga mayor ngan gobernador ha bug-os nga nasud.

Samtang, nagpabati naman hin pagruhaduha an pira nga mga progresibo nga indibidwal ngan ginkwestyon kun tinuod gud ba ini nga gin-anunsyo han presidente. Sumala hini nga mga indibidawal, bangin himuon la han Presidente nga pamaagi ini ng balita agud igpatuman ha bug-os nga nasud an martial law parehas han iya ginhimo ha Mindanao nga hasta yana in nagpapadayon bisan tapos na an Marawi Siege.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *