Pilipinas ngan Kuwait, waray magkaabuyon para ha proteksyon han mga OFW

Waray magkaabuyon ha usa nga pinal nga desisyon an gobyerno han Kuwait ngan Pilipinas para ha paghimo hin usa nga Memorandum of Understanding (MOU) para ma maupay nga kamutangan han mga overseas Filipino worker (OFW).

Sumala kan Department of Labor and Employment (DOLE) Secretary Silvestre Bello III, nagkamay-ada problema ha isyu han kontrata ngan mga pasaporte han mga OFW nga amo an nagin hinungdan kun kay-ano waray pa makagsabot an duha nga nasud.

Nahimugso an iristorya giutan han duha nga nasud tungod han magkadurudilain nga isyu han mga OFW nga nagin biktima hin harassment ngan maltreatment tikang ha ira mga agaron, ngan an mga kaso hin panmatay hin mga Pinay nga domestic workers. Usa didi an kaso ni Joanna Demafelis, usa nga domestic worker nga ginpatay han iya mga agaron ngan kahuman in ginsulod ha freezer.

An Memorandum of Understanding in maghahatag unta hin proteksyon ha mga OFW kontra ha iba-iba nga klase hin harassment ngan proteksyon ha ira panarabahuan.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *