Nasud Cuba, ginkondena an langyaw nga panginlabot ha gab-i han ira eleksyon

Gin tipahan han Foreign Ministry han Cuba an mga pagsuray han mga langyaw nga pwerse nga gub-on an relasyon han Cuba ha iba nga nasud ha gab-i antes ha ira eleksyon. Sumala ha Ministry, gin organisa han mga langyaw nga pwersa an Freedom and Life: Paya Award, nga gin gastohan ngan gin suportahan han mga langyaw nga kontra rebolusyon ngan usa nga anti-Cuba nga organisasyon. An panyakan in igingawas matapos gin surayan han mga nakalabay nga presedente han Colombia ngan Bolivia nga hi Andres Pastrana ngan Jorge Quiroga nga sumulod ha Cuba para magtambong han gin-ngaranan nga katitirok bisan kun gin yaknan na hira nga di hira kakarawaton han Cuba. Gin ngaranan han gobyerno han Cuba an mga organisasyon han Democratic Initiative of Spain and the Americas, Foundation for Pan American Democracy, ngan an Victims of Communism Memory Foundation, lakip gihap an Secretary General han Organization of American States nga hi Luis Almagro nga sumala ha gobyerno han Cuba in naggasto ngan nagsuporta han pagsuray nga ig destabilisar an ira nasod.

Sumala ha Cuba, ini nga mga organisasyon in waray labot ha mga nasod ha Latin Amerika, gin dugang gihap han Cuba an ira katuyuanan nga atubangon an tanan nga probokasyon ngan maninindugan hira kay nauyon la gihap hira ha prinsipyo han rebolusyon. Sumala liwat ha presedente han Bolivia nga hi Evo Morales, tanan nga nasuporta ha mga coup d’état ngan ha Presedente han Estados Unidos nga hi Donald Trump in diri kakarawaton ha mga nasod nga di nasusulod hin imperyalismo.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *