Napreso nga Obispo ha Ozamiz City, nakagawas na

Nakagawas na an usa nga Obispo han Iglesia Filipina Independiente nga hi Bp. Carlo Morales nga nadakop ha Ozamiz City hadton ika-15 han Marso, kahuman tugutan ni Judge Edmundo Pintac han Ozamiz City Court nga maghatag hin pyansa kahuman an upat nga sunod-sunod nga court hearings ha sakob hin 10 ka bulan. Sumala ha usa nga interview kan Bp. Morales ha telepono, nagsiring hiya nga maupay an iya gin-aabat ngan andam na hiya nga bumalik ha trabaho.

Sumala naman ha pahayag ni Rhee Timbang, Obispo Maximo han Iglesia Filipina Independiente, nagpapasalamat hira nga nakagawas na hi Bp. Morales pero padayon la gihap nira nga kokondenahon an ginhimo nga pagpreso ngan pagkiha hin mga ginhimo-himo nga kaso ha ginsiring nga lider han singbahan. Ginkondena gihap ni OM Timbang an pagtalapas han administrasyon Duterte ha mga katungod pantawo ni Bp. Morales, NDFP consultant Romel Salinas, ngan an tanan nga priso political. Iginpanawagan ni OM Timbang ha gobyerno nga igpadayon an iristorya pangkamurayawan giutan han National Democratic Front of the Philippines (NDFP) ngan gobyerno han Pilipinas. Sumala gihap kan OM Timbang, ira ginsusuportahan an mga programa ilarum han iristorya pangkamurayawan sugad han Comprehensive Agreement on Socioeconomic Reforms (CASER) ngan Comprehensive Agreement on the Respect for Human Rights and International Humanitarian Law (CARHRIHL), ngan Comprehensive Agreement on Political and Constitutional Reform (CAPCR) nga maghahatag hin dalan tikadto naman ha pagbul-iw han armas.

Samtang, iginpanawagan gihap ni OM Timbang an hul-os nga suporta han katawhan Pilipino ha pakigbisog para ha panmaihaan nga kamurayawan ha nasud.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *