Mga Lakbayani tikang ha Manila, bumalik na ha Northern Samar

Kahuman an usa ka semana nga Lakbayan ha Manila, bumalik na ha Northern Samar an mga parag-uma nga miyembro han Northern Samar Small Farmers Association (NSSFA). Sumala kan Allan Aguilardo, spokesperson han NSSFA, hitaas an moral han mga parag-uma nga nagin kaapi han Lakbayan tungod han dako nga suporta nga ira nakarawat tikang ha magkadurudilain nga sector ha Luzon. Dugang pa ni Aguilardo, damo gihap an naghatag hin bulig ha mga parag-uma han Northern Samar pinaagi hin mga donasyon nga pagkaon ngan iba pa.

Hadton ika-23 han Pebrero lumakat tipakadto ha Manila an sobra 50 nga parag-uma upod an iba nga mga opisyal han mga progresibo nga organisasyon ha Tacloban agud igpasamwak an kakablasan han mga parag-uma han Sinirangan Bisayas nga naapektuhan han mga peste ha pananum ngan mga biktima gihap han militarisasyon. Ha sakob han usa ka semana nga lakbayan, naglansar hin mga dialogue ngan protesta an mga parag-uma ha magkadurudilain nga ahensya han gobyerno sugad na la ha Department of Agriculture, Department of National Defense, ngan Department of Interior and Local Government.

Samtang, manilampuson naman nga nakag-buhat hin dayalogo an mga parag-uma ha Department of Agriculture katapos an tulo nga adlaw nga kampuhan ha gawas han compound han ahensya. Naglalaum naman an mga parag-uma nga tutuoron han mga opisyal han DA an saad nga tatagan hin angay nga imbestigasyon ngan ayuda an mga parag-uma nga biktima han peste.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *