Yukot yukot ng parag-uma ha India, naglansar hin haluag nga gios protesta

Yukot-yukot nga mga parag-uma ha nasod India an nag martsa tikang ha bungto han Maharashtra pakadto ha capital han India nga Mumbai para igpagawas an ira mga ungara ha kakulangan han ayuda han gobyerno ha pinakadako nga sector ha India, an mga parag-uma. Nag martsa ini nga mga parag-uma hin 180 kilometro para igpalutaw an ira mga panginahanglanon, usa na didi an agricultural loan han gobyerno para ha mga parag-uma ngan an pananag-iya han mga tuna kun diin hira nag-uuma. Sumala ha usa nga nagpartisipar han gios protesta, tulo ka henerasyon na nga nag-uuma an ira pamilya ha usa nga bahin hin tuna pero hangtod yana diri la gihap hira an tag-iya hini. Ika duha na ini nga gios protesta nga gin lansar han mga parag-uma ha sulod han usa ka tuig.

Nakigkita ngan nakig-isturya liwat an mga lider hini nga mga parag-uma ha Chief Minister han India nga hi Devendra Fadnavis, nga kun diin nagpatapod nga tutumanon han gobyerno an ira mga inaaro.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *