Transport strike ha NCR, iginkasa han grupo han jeepney drivers ngan operators

Nag-buhat hin usa nga transport strike ngan gios protesta an Pinagkaisang Samahan ng mga Tsuper at Operator Nationwide (PISTON) ngan No To Jeepney Phaseout Coalition (NTJPOC) komo pagpakita hin pagtipa ha PUV modernization program han administrasyon Duterte.

Sumala kan George San Mateo, national president han PISTON, klaro nga usa la nga pamaagi hin panguwat an ginsisiring han Department of Transportation (DOTr) nga waray natatabo nga jeepney phaseout. Dugang pa ni San Mateo, an DOTr ngan Land Transportation and Franchising Regulatory Board (LTFRB) mismo an nagsiring nga magkaka-ada hin phaseout ha 180,000- 200,000 nga yunit han jeepney ha yana nga tuig ngan babalyuan ini hin 170, 000 nga bag-o nga yunit.

Ginkundena gihap han PISTON an mga pahayag han Board of Investments (BOI) han Department of Trade and Industry (DTI) nga diri pwede pumalit an mga jeepney operator ngan driver hin Euro 4 nga makina kundi kinahanglan nga bug-os nga sarakyan an ira paliton. Sumala ha grupo, mapipiritan an mga operator ngan driver nga paliton an mahal nga iginbabaligya han DOTr ngan LTFRB.

Ginklaro gihap ni San Mateo nga diri ginkokontra han mga operator ngan driver an ginhihimo nga modernization han gobyerno kundi an ginhihimo nga pag-phaseout han mga jeep nga magpapakuri ha 200,000 nga guti nga mga operator ngan 600,000 nga mga driver ha bug-os nga nasud.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *