Senador Pimentel, gusto ipadayon an isturya pangkamurayawan

Nagpagawas hin pamulong hi Senate President Aquilino Pimentel III han iya paglaom nga madadayon an isturya pangkamurayawan giutan han CPP-NDFP ngan han GRP.

Sumala kan Pimentel, kun hiya an papagbut-on, gusto niya nga madayon an isturya pangkamurayawan. Ini nga pamulong ni Pimentel in sunod han resolusyon nga ginpirmahan han 61 nga kongresista nga nag-aaaghat kan Presidente Duterte nga igpadayon an isturya pangkamurayawan. Sumala pa kan Pimentel, waray pa resolusyon nga nahimo an Senado pero pag-uurusturyahan nira ni Senador Legarda an paghimo hin usa nga resolusyon komo mga miyembro han Peace Panel han gobyerno.

Dugang pa ni Sen. Pimentel, kun waray an isturya nga pangkamurayawan, komplikado an sitwasyon tungod nga bisan ano nga oras puydi magkamayda hin pag-atake , pag-aresto, ngan panmatay. Dugang pa ni Pimentel, an deklarasyon nga terorista an CPP-NPA in puydi pa ma isol, ngan sigurado hiya nga may-ada pleading nga puydi igsumite agud ma isol an deklarasyon.

Samtang, may pagtipa liwat tikang ha opisina han Solicitor General ha posisyon han Integrated Bar of the Philippines, Makabayan Bloc, ngan Alonzo et al. nga panginlabutan an kaso kontra kan Chief Justice Ma. Lourdes Sereno.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *