Santo Papa Francis, ginselebrar an Easter Sunday Mass ha St. Peter’s Basilica

Gin selebrar han Santo Papa han Romano Katoliko nga relihiyon nga hi Pope Francis an pagkabuhi ni Hesukristo pinaagi hin usa nga Easter Sunday Mass. Ha gabi bag-o an Dominggo han Pagkabuhi, nag selebrar hi Pope Francis hin usa nga Easter Vigil Service nga kun diin nag bunyag hiya hin walo nga tawo tikadto ha pagka katoliko.

Ha iya pulong, gin aaghat ni Pope Francis an pagkabot hin kamurayawan ha kalibutan nga biktima hin giyera ngan di pagka-arasya. Gin dugang niya nga kinahanglan nga undangon na an kasamok ha minayuyu nga tuna han Syria. Gin aghat gihap niya an mga nasod han Middle East nga magkaurusa na ngan pati gihap an pag-umbaw han diplomasiya ha duha nga nasod han Korea. Gin dugang pa niya an kagutuman nga gin-aagian han katawhan ha Africa pati na gihap an katalwasan han nasod nga Venezuela ha mga kakurian nga ira gin aagian ha ilarom han pipira nga mga palisiya han mga dagko nga nasod.

Gin undang ni Pope Francis an iya mensahe ha pagyakan nga an pagkabuhi ni Hesukristo an naghahatag hin paglaom ha katawhan dinhi ha kalibutan nga puno hin inhustisya.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *