Presidente Trump gusto na pagawson an pwersa armada han US ha Syria

Nagpagawas an presidente han Estados Unidos nga hi Donald Trump hin usa nga pamulong nga kun diin sumala ha iya, di na maiha an pag-istar han tropa han Estados Unidos ha nasod Syria. Sumala kan Trump, napipirdi na nira an ISIS ngan di na maiha bag-o makalakat an mga sundalo han Estados Unidos ha Syria ngan papabay-an na nira an iba an magkapot han mga problema ha Syria.

Nagkakamayada hin pipira nga di pagka-arasya han panyakan ni Trump ngan han Pentagon, nga kun diin sumala kan Dana White, tagapagyakan han Pentagon, damo pa nga importante nga butang an angay buhaton agud hul-os nga mapirdi an mga miyembro han ISIS. Sumala liwat ha usa nga Defense official han Estados Unidos, diri la ISIS an problema ha Syria, kundi an rehimen gihap han Syria ha pagkayana nga alyado ha Russia, ngan an mga operasyon militar han nasod Turkey ha Norte nga rehiyon han Syria.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *