Presidente Duterte, interesado nga igpadayon an iristorya pangkamurayawan

Utro nga nagpakita hin interes hi Presidente Rodrigo Duterte nga igpadayon an iristorya pangkamurayawan giutan han gobyerno han Pilipinas ngan Communist Party of the Philippines-New People’s Army-National Democratic Front (CPP-NPA-NDF) kahuman niya makig-istorya ha mga opisyal han Royal Norwegian Government, sumala kan Bayan Muna Partylist Rep. Carlos Isagani Zarate.

Sumala kan Rep. Zarate ha usa nga interview, an pagpirma han House Bill 1803 in tungod han natabo nga meeting han mga miyembro han House Committee on Peace, Reconciliation, and Unity ngan ni Idun Tvedt, an bag-o nga special envoy ha peace process han Royal Norwegian Government, an third party ha negosasyon.

Dugang pa ni Zarate, kahuman han meeting giutan han House Committee on Peace, Reconciliation, and Unity ngan mga opisyal han Royal Norwegian Government, kinmadto an mga opisyal ha Davao City ngan personal nga nakig-istorya kan president Duterte.

Sumala kan presidente Duterte, abre hiya ha plano nga igpadayon an istorya pangkamurayawan pero igkokonsulta anay ini niya ha iya mga security officials.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *