Pagsalin-urog ha ika-116 nga tuig han Balangiga Uprising, igin-agi ha protesta

LB4Hinin nakalabay nga Setyembre 28, gin salinurog an ika-116 nga annibersaryo han Balangiga Uprising. Igin-agi ha gios protesta hin mabot 600 katawo an pagsalinurog hini nga insidente.

Ha gios protesta nga ginpangunahan han Bagong Alyansang Makabayan (BAYAN)-Sinirangan Bisayas, ginkundenar han mga progresibo nga grupo an mga panhitabo hadto ha Balangiga nga kun diin maabot 50,000 nga taga Samar an pinanmatay han mga tropa militar han anay kolonyal nga pwersa han Estados Unidos.

Panawagan han mga tumambong ha gios protesta nga undangon na an padayon nga pagdominar han Estados Unidos ha iristoryahon pulitikal ngan pan-ekonomiya; sugad man pagbalik an 3 nga mga lingganay nga kinawat han mga tropa militar han Estados Unidos.

Lakip gihap ha panawagan an pagpalayas o pagpaiwas ha mga sundalo han US nga yana aadi pa ha aton nasud.

Sumala naman kan Joshua Sagdullas, tagapagyakan han BAYAN-EV, ginkukundenar nira an pagdiri han Estados Unidos nga igbalik an mga lingganay pati na gihap an padayon nga panginlabot han Estados Unidos ha mga internal nga isyu ha Pilipinas, labi na han giyera yana ha Marawi. #

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.