Paghahatag hin visa ha mga skilled worker, ginsuspindi han Oman

Temporaryo nga ginsuspindi han nasod Oman an paghahatag hin visa ha mga langyaw nga skilled worker para maghatag hin dalan ha mas damo nga oportunidad ha panarbaho ha ira mga lokal ng molupyo.

Sumala ha Oman Ministry of Manpower, maabot ha 6 ka bulan an pagsuspindi han paghahatag hin visa agud masiguro nga mauuna nga matagan hin trabaho an ira kalugaringon nga mga molupyo.

Sumala ha Philippine Agencies Accredited to Oman (PAAAO), hugot nga maaapektaran hini nga bag-o nga palisiya an mga Pilipino nga nananarabaho ha sector han information technology (IT), accounting and finance, ngan ha medical. May tsansa gihap nga diri na irenew an visa han mga daan na nga natrabahao ha Oman.

Sumala naman kan Department of Labor and Employment Secretary Silvestre Bello III,  diri angay nga mabaraka an mga Pilipino hini nga panhitabo tungod nga subay ini ha proseso nga ginsusunod han ahensya mahitungod han plano han gobyerno han Pilipinas nga diri na magpadara hin mga OFW ha Oman.

Samtang, sumala naman ha Philippine Overseas Employment Agency (POEA), diri dapata mabaraka an mga Pilipino nga possible nga ma-apektaran hini nga palisiya tungod nga damo pa an job opportunities nga pwede makuha ha nasud Japan. Sumala ha POEA, nanginginahanglan an Japan hin damo nga mga parag-uma, welder, painter, machine operator, electronics expert, ngan household service workers.

Samtang, sumala naman ha datos han Commission on Filipinos Overseas, may-ada sobra 43,000 nga OFW ha Oman nga pwede ma-apektaran hini nga palisiya.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *