Mga parag-uma ha San Agustin, Palo, gin-aagawan la gihap hin tuna

Waray makag-garab an mga parag-uma han San Agustin, Palo bisan pa panahon na hit kat-ani ha ira mga katunaan. Tungod ini ha ginhimo nga pan-ngagaw han anay agaron may tuna nga tikang ha pamilya ni Pedro Margallo.

Sumala kan Renato Dizon, usa nga benepisyaryo han tuna nga nadesisyunan na nga ihatag han Department of Agrarian Reform hadton ika-11 han Disyembre, waray hira makaposisyon ha ira katunaan tungod nga nagdara hin mga armado nga goons hira Margallo. Dugang pa ni Dizon, usa na ka-parsela han upat ka ektarya nga katunaan an gin-garab han mga agaron may tuna.

Sumala naman kan Jun Berino, Secretary General han Samahan han Gudti nga Parag-uma ha Sinirangan Bisayas (SAGUPA-SB), inmabuyon na an mga Margallo nga ighahatag na ha mga benepisyaryo an katunaan pero bisan pa may sugad nga kasabutan, gintalapas la gihap han mga Margallo an desisyon han DAR.

Samtang, sumala naman kan Dizon, dumaop na hira ha Agrarian Legal Services han DAR 8 agud ireklamo an ginhimo nga pananalapas hin kasabutan han mga Margallo.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *