Lola nga nangawat cellphone, nadakop, nagbayad ngan nag-sorry na; ginpatay samtang naka-police custody

Lingganay Balita

Usa nga lola, 60-anyos, patay na han nakit-an ngan nakaputos hin packaging tape ha usa nga banwaon nga lote ha Brgy. Naghalin, Kananga, Leyte hadton Agosto 11 pa. Utro nga gumawas an balita hadton ginkasuhan an unom nga mga elemento han pulisya ha Ormoc City prosecutors office.

Haros di na makilal-an an nawong han babaye. Ha iginpasaka nga kaso, nahipatik nga nangawat hin smart phone an nasabi nga babaye, nga nakilal-an nga hi Lorna Soza ha usa nga celphone shop ha syudad han Ormoc.

Nadakpan hi Soza, pero nangaro ini hin pasaylo ngan ginbaydan an iya kinawat han ngatanan nga kwarta nga nakada hadton iya pitaka.

Waray iginpasaka ha iya nga kaso an kapulisan ha Ormoc Police Station 1, pero igindetenir ini han mga pulis. Ginkuha hiya tikang ha iya selda ngan ginpwersa igsakay ha police vehicle hadton kaagahon. Hadton mismo nga adlaw, patay ini nga nakit-an ha bungto han Kananga.

Ginrelieve na yana an unom nga kapulisan tungod han kaso nga murder.###

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.