Pira nga kapulisan, nadangop ha simbahan katoliko para ha ‘proteksyon’

Lingganay BalitaNamimiling hin proteksyon tikang ha simbahan katoliko an pipira nga kapulisan nga andam ig-sumat an ira mga nababaruan hiunong ha mga drug-related nga panmatay ha nasud. Iginkita pala han mga whistleblower hi Archbishop Socrates Villegas ngan iba nga mga opisyal han Archdiocese han Lingayen-Dagupan.

Sumala ha pahayag nga iginpagawas ni Villegas han nakalabay nga Lunes, nagpagawas hin ira karuyagon nga igbuksas an ira partisipasyon ha mga extrajudicial killings tungod han ira kakonsensya. Andam man daw liwat an ira archdiocese, pinaagi ha ira ministry of mercy” nga maghatag hin sangtwaryo hini nga kapulisan upod an ira pamilya kun ginkikinahanglan kun andam la liwat hira nga maghatag hin ebidensya para ha mga alegasyon hiunong ha drug-related killings ha pakigbuligay liwat hin pipira nga mga abogado.

Manunumduman nga nagbatak hin suporta hi Villegas ha duha nga miyembro han Davao Death Squad, usa nga vigilante nga grupo,  nga nagbuksas han partisipasyon ni Presidente Duterte ha wala-tuo nga panmatay ha Davao City.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.