Human rights group nga Karapatan, ginkundena an kawarayan hustisya para ha Kidapawan Massacre

Ginkundena han human rights group nga Karapatan an kawarayan hustisya mahitungod han Kidapawan Massacre nga nahitabo duha ka tuig na an nakalabay.

An gintatawag nga Kidapawan Massacre in natabo hadton ika-1 han Abril 2016 kun diin ginpatay hi Darwin Sulang, usa nga parag-uma ngan hin Enrico Fabligar, usa nga residente han Kidapawan, ngan iligal nga gindakop an porlomenos 80 nga mga parag-uma. Umabot ha 6,000 nga mga parag-uma ngan residente han Kidapawan an ginpauranan hin bala han mga elemento han Philippine National Police.

Sumala ha Karapatan, diri makatadungan an ginhimo han gobyerno nga pagpasibaya ha mga nagin biktima han brutal nga pag-disperse bisan pa makusog an ebidensya kontra ha mga opisyal han gobyerno, ngan mga element han PNP ngan AFP.

Dugang pa han Karapatan, angay la nga panaguton hi anay president Benigno “Noynoy” Aquino III ha iya kapasibayaan ha ginsiring nga brutal nga panhitabo.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *