Deployment ban ha Kuwait, posible matanggal kun mapirmahan an MOU

Ginlalauman han gobyerno han Pilipinas nga matanggal na an deployment ban han mga OFW ha Kuwait kun mapirmahan na an Memorandum of Understanding giutan han gobyerno han Pilipinas ngan Kuwait.

Sumala kan Silvestre Bello III, Secretary han Department of Labor and Employment (DOLE), bisan waray kasiguraduhan nga hul-os na nga tatanggalon an deployment ban, posible ini maghatag hin dalan ha temporary lifting han deployment ban kaparte han mga skilled workers.

Sumala kan Sec. Bello, kapot na ni Presidente Rodrigo Duterte an pinal nga kopya han MOU nga nagin resulta han iristorya giutan han mga opisyal han Pilipinas ngan Kuwait han nakalabay nga semana.  Dugang pa ni Sec. Bello, ginhihimangrawan pa kun hi Presidente Duterte mismo an mapirma han MOU o kun hi Sec. Bello na la an makadto ha Kuwait para pumirma.

Usa ha mga gintatagan hin duon han MOU an pagbawal ha mga employers han mga OFW nga kumpiskahon an ira mga passport ngan gadget.

Pagtatapos ni Sec. Bello, madepende ha estado han kaso ni Demafelis an hul-os nga pagtanggal han OFW deployment ban.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *