Demolisyon han Redona Residence, ebidensya ha kaluyahan han gobyerno

Ika-7 han Marso han gintikangan an pagdemolish ha 80 anyos nga Redona residence ha dalan T. Claudio nga naghatag hin dako nga surpresa ha mga molupyo han Tacloban.

Ini nga opisyal nga heritage site in gingamit nga opisyal nga urukyan ni anay Presidente Sergio Osmena hadton panahon han gyera giutan han mag pwersa armada han Estados Unidos ngan Hapon. An pagdemolish in ginpangunahan han anak ni Margarito Redona nga hi Cristina Pablo, tungod han kawarayan suporta han gobyerno ha pagpreserba hini nga heritage site.

Sumala naman kan Prof. Joycie Alegre, anay Chairperson han Committee on Cultural Communities and Traditional Art ha ilarum han National Commission for Culture and the Arts ngan yana propesor ha UP Tacloban, an pagdemolish ha Redona residence in nagpapakita la nga maluya an mga palisiya han gobyerno ha pagprotehir ha mga gintatalaga nga cultural sites ha nasud. Dugang pa ni Prof. Alegre, kinahanglan tagan hin importansya han gobyerno an paghihimo hin madig-on nga conservation programs agud masiguro nga tanan nga cultural sites ha nasud in napapreserba ngan napoprotehiran han mga balaud.

Lain la hini, usa nga ordinansa han syudad in nagsisiring nga dapat tagan hin makusog ngan madig-on nga importansya an pagprotehir ha Redona Residence nga waray kasunod ngan nagresulta lugod ha pagkademolish hini.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *