Bulan han parag-uma, iginsasalin-urog yana nga Oktubre

LB4Ginseselebrar yana nga Oktubre an Bulan han Parag-uma nga papangunahan han lokal nga alyansa han mga parag-uma ha Sinirangan Bisayas, SAGUPA-SB.

Ha online post ha opisyal nga facebook page han alyansa, dirudilain nga aktibidad an ira iglalansar para palandawon an isyu han mga parag-uma ngan umaro gihap hin suporta tikang ha iba pa nga mga sektor.

Katuyuanan gihap han SAGUPA-SB nga igbandera an kanan sektor pakigbisog para ha tinuod nga reporma-agraryo.

Sumala gihapon kan SAGUPA-SB Secretary General Jun Berino, pito ha napulo nga parag-uma an waray kalugaringon nga tuna asya ginpapakusog nira yana an panawagan para ha pag-bungkag han monopolyo ha tuna.

Mahibabaruan nga usa an probinsya han Leyte han may dagko nga mga asyenda ngan rantso kun diin pira la nga pamilya ngan korporasyon an nananag-iya.

Nag-aghat naman hi Berino ha mga nag-hihingyap nga makig-usa ha mga parag-uma lab-i na ha pagbulig ha mga tiklos-pagtanom ngan iba pa nga mga aktibidad yana nga Bulan han Parag-uma.#

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.