Abu Sayyaf surrenderees, angay ig-tratar parehas han mga NPA “surrenderees” sumala kan Presidente Duterte

Angay nga tagan hin parehas nga pag-tratar an mga Abu Sayyaf nga nag-surrender na ha gobyerno sugad han pag-tratar ha mga gin-aalegar nga surrenderee nga miyembro han New People’s Army (NPA), sumala kan presidnte Rodrigo Duterte. Ha usa nga speech ni Duterte ha Patikul, Sulu, iginhambog han president nga gintagan han gobyerno an mga surrenderee nga NPA hin mga balay, trabaho, ngan skills training.

Sumala kan president Duterte, andam an gobyerno nga maghatag hin mga balay ha mga miyembro han Abu Sayyaf nga may-ada plano sumurrender ha gobyerno.

Ha pagbisita han presidente ha Sulu, iginpresenta ha iya an porlomenos 600 nga armas de fuego nga igin turnover han mga local government units (LGU) han Sulu. Dugang pa gihap nga igin-presenta han Western Mindanao Command han Armed Forces of the Philippines an 67 nga miyembro han Abu Sayyaf nga sumurrender na.

Sumala ha datos han AFP Western Mindanao Command, maabot na ha 1,157 loose firearms an nakumpiska han Joint Task Force Sulu.

Samtang, an Abu Sayyaf in usa nga ginkikilala nga terrorist organization han magkaduru-dilain nga langyaw nga organisasyon upod na an Central Intelligence Agency han Estados Unidos.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *