KADAMAY-Metro Tacloban, gintawag nga hipokrito an pamilya han Romualdez, Petilla

Ginkundena han Kalipunan ng Damayang Mahihirap (KADAMAY)-Metro Tacloban an ginhinimo nga pag-aagaw han mga pamilya han Romualdez ngan Petilla ha Leyte Metropolitan Water District (LMWD) ngan ginatawag an duha nga pamilya komo mga hipokrito. Sumala kan Christopher Durana, Secretary General han KADAMAY-Metro Tacloban, daan na nga nagkukuri an mga kablas ha syudad han Tacloban kaparte han pagkaka-ada hin maupay nga suplay hin tubig partikular na an mga naukoy ha resettlement areas ha Norte han Tacloban, ngan gindugngan pa ini nga kakurian pinaagi han natatabo nga bangga-ay giutan han duha nga dako nga pamilya. Dugang pa niya, imbis kitaon han duha nga pamilya an dako nga panginahanglan han mga residente ha Norte han Tacloban hin maupay nga Sistema hin patubig, gin-uuna lugod nira an ira mga maka-iya nga interes.

Ginkundena gihap ni Durana an plano han mga Petilla nga ig-privatize an LMWD. Sumala kan Durana, ha pagkayana, makikit-an nga “waray gana” an mga ahensya han gobyerno pag-serbe ha mga panginahanglan han katawhan ngan maduro pa ini nga panhitabo kun igpapadayon an plano nga ig-privatize an LMWD tungod nga magigin komersyalisado na an mga serbisyo.

Samtang, iginpanawagan naman ni Durana ha duha nga pamilya nga kaluy-an an mga kablas ha syudad, ngan mga residente ha mga pabahay ug ipatuman na an tinuod nga serbisyo han tubig ha mga molupyo han Tacloban upod na an mga diri pa naaabot han serbisyo ha patubig.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *