Hugpo hin magkadurudilain nga sektor, nagpakita hin suporta kan Chief Justice Sereno

Gin ulohan han Coalition for Justice (CFJ), Movement Against Tyranny (MAT), ngan Bagong Alyansang Makabayan (BAYAN) an usa nga haluag nga mobilisasyon pagsuporta kan Chief Justice Sereno ngan an ungara para ha usa nga independente nga hudikatura. Gin tambongan han katawhan tikang ha iba-iba nga sektor, pati na an mga parag-uma tikang Sinirangan Bisayas an pagtipa ha padayon ngaa pag atake han ehekutibo kan Sereno para maghatag hin dalan ha usa nga Presidential Appointee. Sumala kan Renato Reyes, Secretary General han BAYAN, kun maaprobahan ini nga impeachment process, possible ini himuon nga basaranan ha mga masunod nga kaso nga kapareho an pustura, karuyag signgon tanan nga nagseserbe ha gobyerno in puydi matanggal ha posisyon.

Tumambong gihap ha mobilisasyon an mga katawhan tikang ha simbahan nga gin ulohan han mga organisasyon nga National Council of Churches in the Philippines (NCCP) ngan United Church of Christ in the Philippines (UCCP).  Sumala kan Rev. Rex RB Reyes, General Secretary han NCCP, gintatawagan nira an katawhan nga padayon nga mangadi ngan magtrabaho para ha hustisya para ha bug-os nga katilingban. Sumala liwat ha mga parag-uma tikang Sinirangan Bisayas, an mga basaran para han pag impeach kan Sereno in usa la nga prente han administrasyon Duterte para tanggalon an mga nakakaulang ha iya ngan para makaptan na ni Duterte an bug-os nga hudikatura. Sumala gihap kan Jun Berino, Secretary General han Samahan han Gudti nga Parag-uma (SAGUPA), hi Sereno an usa ha mga pipira la nga tawo nga na kontra ha militar nga panmalaud ni Duterte. Dugang gihap ni Berino, kaparehas han katawhan hi Sereno nga biktima hin usa nga diktador ngan gin sasaludohan nira an pagkontra ni Sereno ha mga di makatawo nga polisiya ni Duterte.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *