Health workers, gintipahan an CPD law

Dungan han selebrasyon han Valentine’s Day hadton ika-14 han Pebrero, naglansar hin gios protesta an mga health workers ha National Capital Region (NCR) kaparte han ira pagtipa ha Continuing Professional Development (CPD) law, kawarayan umento ha sahod ngan iba pa nga mga benepisyo, kontraktwalisasyon, ngan ha Tax Reform and Inclusion (TRAIN) law. Ha ilarum han Alliance of Health Workers (AHW), nagmartsa tipakadto ha Chino Roces an mga health workers tikang ha mga public and private hospitals.

An Continuing Professional Development Act of 2016 in kaulangan ha mga health worker pinaagi han pinangahanglan nga magtirok anay hira hin credit units antes maka-renew hin ira mga lisensya nga nakukuha naman pinaagi han mga trainings. Sumala ha Filipino Nurses United (FNU), usa ini nga problema tungod nga diri tanan nga trainings nga kinahanglan atenderan in libre para ha mga health workers lain pa ha P1,000 nga kinahanglan baydan kada unit. Gintipahan gihap han organisasyon an kawarayan hin tuhay nga pitad han gobyerno agud maihatag an Performance Based Bonus (PBB) nga hadton 2016 pa waray kahatag.

Iginpanawagan gihap han mga health groups nga tagan gihap hin umento ha sahod an tanan nga health workers ngan iba pa nga empleyado han gobyerno. Sumala kan Robert Mendoza, chairperson han Alliance of Health Workers (AHW) diri na akos han ira mga sweldo an padayon nga paghitaas han presyo han mga paraliton tungod han implementasyon han TRAIN law. “Dako an amon papel ha pagsalbar ha kinabuhi han mga tawo pero ginpapabay-an la kami han gobyerno” dugang pa ni Mendoza.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *