DOJ, diri kakasuhan hi ex-Customs commissioner Faeldon

Naghatag na hin pinal nga desisyon an Department of Justice (DOJ) nga diri nira kakasuhan hi Bureau of Customs ex-commissioner Nicanor Faeldon bisan pa naghatag hin motion for reconsideration an Philippine Drug Enforcement Agency (PDEA). Waray karawata han DOJ prosecution panel an iginsumite nga motion han PDEA pinaagi ha usa nga resolusyon nga igingawas ha publiko hadton ika-24 han Enero. Sumala ha DOJ prosecution panel, klarado nga waray panhinlabot an Bureau of Customs (BOC) ngan an National Bureau of Investigation (NBI) ha natabo nga kaso han drug smuggling, ngan diri ginpoprotehiran han mga opisyal han ginsiring nga ahensya an mga suspek ha kaso.

Sumala naman ha motion nga iginpasa han PDEA, gintuyo han DOJ nga diri akseptaron komo usa nga ebidensya an mga testimonya mahitungod han kaso han smuggling pero sumala naman ha prosecution panel han DOJ, diri sadang nga ebidensya an ginhatag han PDEA agud makasuhan an mga kontobersyal nga opisyal. Ha pagkayana, kapot na ni DOJ Secretary Vitaliano Aguirre III an automatic review han desisyon nga iginpasa han DOJ prosecution panel.

Samtang, tikang ha bag-o nga update kanina, nagdesisyon na an Senado nga pagawsun na hi Faeldon tikang ha pagkakapreso tikang pa hadton Setyembre 2017 tungod han diri niya pagpartisipar ha usa nga hearing han Senate Blue Ribbon Committee mahitungod  han P6.4-billion drug shipment tikang ha Tsina nga gin-smuggle ha Manila port.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *