Ambassador han Estados Unidos, nagsagdon nga magprepara ha gerra kontra Tsina

Dapat mag-prepara ha posible nga gerra kontra Tsina an Estados Unidos. Ini an ginsagdon ni US Ambassador to Australia Admiral Harry Harris hadton ika-16 han Pebrero.

Sumala kan Harris, tungod han nagtitikadako nga poder han Tsina ha ira militar, ekonomiya, relasyon ha iba nga mga nasud, teknolohiya, ngan politika, posible nga maglansar hin gerra an ginsiring nga nasud. Dugang pa ni Harris, kinahanglan gihap bantayan an ginhihimo nga mga investments han administasyon ni Xi Jin Ping. Lain pa hini, posible gihap nga malebelan han Tsina an dako nga kapas han pwersa armada han Estados Unidos, pagdudugang pa ni Harris.

Samtang, ginbaton naman ini na mga pahayag ni Chinese Ambassador to the US Cui Tiankai ngan nagsiring nga “paranoid” an Estados Unidos kaparte han mga ginhihimo han Tsina nga mga development nga para man ngani ha ira kalugaringon nga ekonomiya ngan panginahanglan.

Kinahanglan gihap bantayan han Estados Unidos an mga missile launching han North Korea, ngan an administrasyon ni Kim Jong Un bisan pa magsiring an Tsina nga waray matatabo nga gerra. Dugang pa, ginrekomenda ni Harris an pag-aro hin bulig tikang ha mga alyado nga nasud han Estados Unidos sugad han Australia agud mabantayan hin maupay an mga pitad han Tsina.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *