Alyansa hin mga estudyante ha Sinirangan Bisayas, ginkundena an ginpapanukala nga mandatory ROTC

Hul-os nga gintipahan han National Union of Students of the Philippines (NUSP) Eastern Visayas an ginproproponer nga mandatory ROTC ni Bataan 1st District Representative Geraldine Roman. Ha usa nga online statement, igindetalye han NUSP-EV an mga kaso han violence, corruption, ngan mga pan-aabuso han programa han ROTC. Sumala pa ha NUSP, an mandatory ROTC in usa nga “instrumento hin represyon” ha ilarum han administrasyon Duterte nga maghahatag hin “militaristic” nga mindset ha mga kabatan-unan. Dugang pa han alyansa, waray ginhihimo nga kaupayan ini nga programa kundi nagpapasamwak la hin “blind obedience” ha mga estudyante.

Ini nga pahayag in kabatunan han mga batan-un nga estudyante kahuman igpasamwak ni Rep. Roman nga kinahanglan magka-ada hin mandatory ROTC an mga senior high school students agud makaserbe ha nasud, katapos niya magin reservist ha Armed Forces of the Philippines nga may ranggo nga Lt. Col.

Samtang, iginpanawagan naman han NUSP-EV nga magkaurusa an tanan nga kabatan-unan ha nasud nga tipahan an ginpapanukala nga mandatory ROTC ngan iba pa nga mga represibo nga palisiya.

Please follow and like us:
0

Eastern Vista

Eastern Vista is an alternative media organization in Eastern Visayas. Stories of people in the struggle for justice and aid after super typhoon Yolanda inspired its creation in 2014. Eastern Vista is also a co-producer of Lingganay han Kamatuoran, a Waray-based radio magazine program airing since 2003. From Eastern Philippines, Eastern Vista shares the news and views from a people rising.

Leave a Reply

Your email address will not be published. Required fields are marked *